یئنی شعر-دونیامی چالخاییب چاپدی،
دونیامی چالخاییب چاپدی،
او آدام !
کوکسومون ان درین یئرینه گیریب
اود سالدی ایچیمی یاپدی،
یاندی اللریمدن اته ییم دوشدو
بیر – بیر اته ییمدن
دوشدو
آلمالار
قورولا - قوورولا
اوشودو آلمالار
تیکانلار سیزلادی بارماقلاریمدا ،
جانیم گوینه دی
تامسینا – تامسینا دوداقلارینین کئفین دیشله ییردی
سوروردو کئفین
گیزله دیردی دیشلرینده
آغاردیردی دیشلرین ده !...
اللریمی گویدن اوزدو
آیاق لاریمی
یئردن
گونش آچیل ، دئیه – دئیه !...
مندن آلدی گونشیمی
داریخدیردی تاقچاداکی گلینیمین
جوجوقلوغون
یالانچی دی ...
چاپقینییدی ...
آو آدام .
+ نوشته شده در جمعه ۹ اسفند ۱۳۸۷ ساعت 22:12 توسط شریفه جعفری
|
شریفه جعفری (دنیز)