شاعیر باجیما (شریفه جعفری)اتحف اولوبدور

هئجرانليق
اوچول لار قوشلاريم
بير بير يووادان
اوچاندا قوشلاريم
ماوي گؤوله لر
بلوتسيز گؤوللردن قان دامير يئره
قانادان آغسيير آغ بيرچك قوشيم.
*
اوچول لار قوشلاريم
يووالاري بوش
كيمسه سيز قالميشام
سويوخدان منيم
تيتريير بدنيم
اللريم بوم بوش.
**
قوشلاري يووادان آيري سالميسان
اللري قوروموش اووچو آي اووچو
عومرووي داشا بيز چالاريق بير گون
آيريليق آديني آتاريق بير گون
هئجراني وصالا سالاريق بير گون.

***
اوچول لار قوشلاريم
من يازيق نئجه
اووچولار الينده اسير قالميشام
ياساقدا قالان آنا ديل كيمين
سورگون لي قوشلاري
من اونودماميشام،
اونودماميشام.
****
قانادلار يارالي
اوره ك يارالي
وفاميز اولمادي كوسدوردوك سني
يا
اووچولار الينن اوچوب گئتميسن؟
*****
باهاردا آچاندا
آغاج لار چيچك
ياشيل دونلاريني داغلار گيينده
كپنكلر گئليب گوله گولنده
اولارمي گؤره سن گله قوشلاريم؟

04 Mars 2013
محمود دالغا